சகித்தவர்கள்...

28 Jan 2012

இரவானவள்...

(18 + என்று இதற்கு சான்றிதழ் வழங்க தோன்றவில்லை..)  

அந்த பெட்டிக்கடையில் இருக்கும் நாளிதழ்களின் விளம்பர தலைப்புகளை பார்த்தால் எனக்கு வேடிக்கையாய்தான் இருக்கிறது...இப்படி ஒரு செய்தி.. "விலை உயர்வை கண்டித்து பொதுமக்கள் சாலைமறியல்.."..சிரித்துகொள்கிறேன்.. ஒருவேளை நானும் எனக்கான விலையை ஏற்றினால் என்னுடைய வாடிக்கையாளர்கள் நடுவீதியில் வந்து போராட்டம் செய்தால் எப்படி இருக்கும்..? நுகர்வோர் சங்கத்தில் எதிர்பார்த்த திருப்தி கிடைக்காத ஆண்கள் முறையிட்டால்? சிரிப்பை நிறுத்த முடியவில்லை...


எனக்கு பெயர் யார் வைத்தார்கள் என்று நினைவில்லை..பெரும்பாலானோர் 'ரேணுகா' என்று அழைப்பதால் அதுதான் என் பெயராக இருக்க முடியும்...வாடிக்கையாளர்களின் இலக்கியத்துவத்தை பொறுத்து 'வேசி', 'தாசி', 'பரத்தை' ...இப்படியும் சில முகவரிகள் எனக்கு உண்டு.. காக்கி சீருடைக்காரருக்கு காலையில் 'பாலியல் தொழிலாளி'.. இரவில், 'ரேணு'.. குட்டி சுவரில் உட்கார்ந்து உலக அறிவியல் விவாதிக்கும் மேதைகளுக்கு, 'ஐட்டம்'.. தெரு கடைசியில் மளிகை கடை வைத்திருப்பவரின் மனைவிக்கும் மற்றும் சில கற்புக்கரச கண்ணகிகளுக்கும், "தேவடியாள்" என்றழைப்பதில்தான் விருப்பம்... வயது இருபத்தியேழு முதல் முப்பத்துஒன்றுக்குள் ஏதோ ஒன்றாகத்தான் இருக்கவேண்டும்.. தொழில்?...ஹ்ம்ம்..இன்னுமா தெரியவில்லை..

உலகின் எந்த ஒரு அயோக்கியதனமும் எனக்கு ஆச்சர்யம் தருவதில்லை..பழகிபோய்விட்டது என்று சொல்லிகொள்ளலாம்...என்னைபொருத்தவரை யோக்கியத்தனம் என்பது பால்வேறுபாடுகளை கடந்தது... "இவளெல்லாம் வாழ்கை தத்துவம் பேசுறா..எல்லாம் கலியுகம்.." என்று தோன்றுகிறதா? ஹ்ம்ம்..இருக்கும்...உங்களுக்கெல்லாம் "தேவடியாள்" என்பது திட்டுவதற்கு ஒரு கெட்டவார்த்தை..அவ்வளவே.."கொலைகாரா", "திருடா" என்றெல்லாம் திட்டினால் யாருக்கும் கோபமும் வருவதில்லை..

ஹ்ம்ம்..வெயில் வேறு இன்று அநியாயத்திற்கு, அதிகமாய் சுடுகிறது.. விலைவாசியின் சூட்டால் பலரால் அது கொஞ்சம் கவனிக்கப்படவில்லை போலும்.. காய்கறி வாங்கும்போது கடைக்காரர் கொஞ்சம் கையை தடவித்தான் பார்கிறார்.. பாவம்.. அவர் வயதிற்கு முடிந்தது அவ்வளவுதான்.. விலையிலும் கொஞ்சம் தள்ளுபடி கொடுக்கிறார்.. நியாயஸ்த்தன்.. "பொம்ம வாங்கிட்டு போ தாயி.. கொழந்தைக்கு", அந்த கிழவி ஏன் அப்படி சொன்னாள்? அவளுக்கு என்னைப்பற்றி தெரியாது போல.. நல்லவேளை, தாழ்வு மனப்பான்மையோடு இன்னொரு குழந்தை உலகில் உருவாக நான் காரணமாகவில்லை.. ஆனால் போனமுறை கருக்கலைக்க சென்ற போது அந்த டாக்டர் கொஞ்சம் மோசமாகத்தான் ஏசிவிட்டாள்..அடுத்தமுறை அவளிடம் செல்லபோவதில்லை..

எதிரில் வருவது சந்திரசேகர் மாதிரி தெரிகிறது.. அவரேதான்.. கொஞ்சம் அடிக்கடி வருபவர்தான்.. கல்லூரி பேராசிரியர் என்று சொன்னார்.. நம்பியிருக்கிறேன்.. தமிழ் பேராசியராய் இருக்கலாம்.. படுக்கையில் அவ்வபோது கவிதை பொழிவதும் உண்டு.. அதில் ஒன்றிரண்டு மட்டும் நினைவில் இருக்கிறது..

இராமர்கள் உன்னைப் 
புறக்கணிப்பதால்தானோ 
உன் இடுப்பெனும் 
வில் இன்னும் 
உடைபடவில்லை?
***********************
உன் இரவிக்கைக்கு 
வாஸ்து பார்த்த 
கிறுக்கு சோதிடன் யார்?
சன்னலை 
பின்புறம் வைத்து..

கூடவே அவரது மனைவியும் வருகிறாள் என்று நினைக்கிறேன்..மஞ்சள் நிற புடவையில் அழகாய்தான் இருக்கிறாள்..என்னைப் பார்த்ததும் நிச்சயம் மனுஷனுக்கு கை கால் உதற ஆரம்பிக்க போகிறது.. அட..ஆரம்பித்துவிட்டது.. காட்டிக்கொள்ளாமலும் கடந்து செல்ல முடியவில்லை.."ஹலோ.. ரே..ரேணுகா.. எங்க இந்த பக்கம்?".. கொஞ்சம் அவளிடம் திரும்பி, "என் கூட வொர்க் பண்றவங்க"... அடப்பாவி.. சிலேடையில் உண்மையை சொல்கிறான்.. அவளும் கொஞ்சம் மரியாதையாய் வணக்கம் வைத்தாள்..மனதுக்குள் சிரித்துகொண்டு தலையை ஆட்டி விடைபெற்று கொண்டோம்.. 

இன்னும் சில ஆண்களைப் பற்றி சொல்லியே ஆகவேண்டும்.. மனோகருக்கு நிச்சயம் காலைபிடித்து விடவேண்டும்..வீட்டில் மனைவி அதுவும் செய்வது இல்லை போல.. பிரேம்குமார் கல்லூரி மாணவன்.. வரக்கூடாது என்று காட்டமாகவும் சொல்லிவிட்டேன்.. கேட்டால் 'டென்ஷன்', 'ஸ்ட்ரெஸ்' என்று எதாவது சொல்லிவிடுவான்.. சார்லஸ் ஒரு சேடிஸ்ட்.. பூட்ஸ் காலால் தொடவே அவனுக்கு பிடிக்கும்.. பணக்காரன்.. வாராத நாளிலும் கேட்டால் பணம் கிடைக்கும்.. விஜயசந்திரன் என்னைக் கல்யாணம் செய்துகொள்ள போவதாக ஒவ்வொரு முறையும் சத்தியம் செய்யும் ஒரு அரைகிறுக்கன்..  எங்கள் பகுதி சப்-இன்ஸ்பெக்டர் இனியன்.. பெயரில் மட்டும்.. அவனுக்காக நானும் புகை பிடிக்க வேண்டும்..மது அருந்தி நடனம் ஆட வேண்டும்.. சினிமாக்களில் கடைசி க்ளப்-டான்சுகளை இரசிக்கும் வில்லன் போல சோபாவில் உட்கார்ந்து திமிராய் இரசிப்பான்.. சில நேரங்களில் காசும் தரமாட்டான்.. என் மாரின் சிகரெட் வடுக்களுக்கு காரணகர்த்தா..

செல்போன் சிணுங்குகிறது...போக்குவரத்து சப்தத்தில் ஒன்றும் கேட்கபோவதில்லை... யார் அழைப்பது? இரவீந்திரன்.. கட் செய்துவிட்டேன்.. வீடு நெருங்கிவிட்டது.. சென்றதும் பேசிக்கொள்ளலாம்.. மளிகை கடையை தாண்டுகிறேன்.. வழக்கம் போல அவள் நாயைப் பார்ப்பது போல பார்க்கிறாள்.. வேறு தெருவில் இருந்திருந்தால் அவள் புருஷனைப் பற்றி கூட எனக்கு தெரிந்திருக்கும்...வீடு வந்துவிட்டது... டிவி ஓடிக்கொண்டே இருக்கிறது..காலையில் வெளியே செல்லும்போது மின்சாரம் துண்டிக்கப் பட்டிருந்ததால் கவனிக்கவில்லை... இரவீந்திரனுக்கு ஃபோன் செய்யவேண்டும்.. 

"ஹலோ.. ஃபோன் பண்ணியிருந்தீங்க..?"

"ஆமா.. இல்ல.. சும்மாதான்.."

"சொல்லுங்க.. இன்னைக்கு வறீங்களா?"

"ஹ்ம்ம்.. மதியம்தான்... வேற ஏதும்..?"

"இல்ல.. வாங்க.. வேற யாரும் சொல்லல..."

இரவீந்திரன் கொஞ்சம் வித்தியாசமானவர்.. அதிகம் பேசமாட்டார்.. நடுவாந்திர வயது.. பெரும்பாலும் பகலில்தான் வருவார்.. குறிப்பாக சிகரட் பிடிக்கமாட்டார்.. 'அவள் விகடன்'  வாங்கிவந்து கொடுத்து படிக்க சொல்லுவார்.. சமைத்துவைக்க வேண்டும் எப்போதும்.. சைவப்பிரியர்.. கொஞ்சம் பேசலாம் என தோன்றும் மனிதர்களில் ஒருவர்..இன்னும் கொஞ்சநேரத்தில் வந்துவிடுவார்.. சமையலைத் தொடங்க வேண்டும்..

காலிங் பெல் ஒலி.. அவர்தான்..

"வாங்க.. சமையகட்டுல இருந்தேன்.. அதான் தெறக்க நேரமாச்சு.. "

"பரவால்ல..யாரும் பாக்கல.."

"ரெண்டு நிமிஷம் ஒட்காருங்க...சாப்பாட்ட எறக்கி வெச்சிட்டு வந்துடறேன்.."

"அவசரமில்ல.. நிதானமா வா.."

டிவி பார்த்துகொண்டிருக்கிறார்.. டிஸ்கவரி சேனல்.. சமையல் முடிந்துவிட்டது.. முதலில் நானா? சமையலா? என்ன முடிவில் இருக்கிறார் என்று தெரியவில்லை..

"சாப்பாடு போடவா?"

"ஆறட்டும்..அப்றமா பாத்துக்கலாம்"

புரிந்துவிட்டது...பெட்ரூமிற்கு சென்று படுக்கையை சரி செய்கிறேன்.. காட்டன் புடவையை மாற்றிகொள்ளலாம்.. பட்டு புடவை அவருக்கு பிடிக்கும்.. அல்லது அவருடைய சட்டையை போட்டுக்கொள்ள வேண்டும்.. மாற்றி கொண்டிருக்கும் போதே உள்ளே வந்து விட்டார்... தாழிட்டுவிட்டு கண்ணாடியில் வந்து தலைவாரிகொள்கிறார்.. பகலில் விளக்கை அணைக்கிறார்.. சம்ப்ரதாயம் போல.. செல்போனில் இசைஞானி பாடல்களை ஒலிக்கசெய்கிறார்.. இரசனைக்காரர்.. அணுஅணுவாய் ஐந்து பாடல்கள் முடிந்துவிட்டது..

மீண்டும் காட்டன் சேலைக்கு வந்துவிட்டேன்..இரண்டு தட்டில் சாப்பாட்டை போட்டு கட்டிலில் இருந்தவருக்கு கொண்டுவந்து கொடுத்துவிட்டு நானும் சாப்பிட தொடங்கினேன்.. கொஞ்சம் வேகமாகத்தான் சாப்பிடுகிறார்.. பேசுவதாய் எண்ணம் இல்லை போலும்.. நானே தொடங்குகிறேன்..

"அட, மெதுவா சாப்புடுங்க.. காலேல்ல சாப்டலையா?"

"இல்ல.. நல்லா செஞ்சுருக்க..."

"ஹ்ம்ம்.. அவசரவசரமா செஞ்சது.. "

"ரொம்ப நாளாச்சு இந்த மாதிரி சாப்ட்டு.."

"உங்ககிட்ட ரொம்ப நாளா கேக்கணும்ன்னு நெனைக்கிற ஒன்னு.. உங்களுக்கு கொழந்தைங்க இருக்கா?"

"ஹ்ம்ம்.. ரெண்டு பசங்க.. ஏன்?"

"இல்ல..சும்மாதான்.. நீங்க இங்க வர்றது மட்டும் ஏதோ வித்தியாசமா தோணுது எனக்கு.."

என்னை நிமிர்ந்து பார்த்துவிட்டு மீண்டும் சாப்பிட தொடர்கிறார்..

"மத்தவனெல்லாம்.. என்ன ஒரு மெஷின் மாதிரிதான் நடத்துவானுங்க.. நீங்க கொஞ்சம் வித்தியாசம்தான் "

" எனக்கும் இங்க வந்துட்டு போனா கொஞ்சம் அமைதி கெடைக்குது.. ஏன்னு புரியல.. சில நேரங்கள்ல இனிமே போகக்கூடாதுன்னு நெனைப்பேன்.. "

"ஏன்? உங்க மனைவிக்கு துரோகம் பண்றதா தோணுதா?"

"ஹ்ம்ம்...அப்டியும் சொல்லலாம்.. இதெல்லாம் சுமதிக்கு தெரிஞ்சா.. யோசிச்சுக்கூட பாக்க முடியல..."

"கஷ்டந்தான்..."

"வெளியுலகம் ரொம்ப தெரியாம வளந்தவ.. இந்த ஊருக்கு ட்ரான்ஸ்வர் ஆகி வந்து ரெண்டு வருஷம் இங்க சுமதிய அழச்சுட்டே வரல..அப்பத்தான் உன்கிட்ட வர ஆரம்பிச்சேன்..."

"வேல பாக்குறாங்களா?"

"இல்ல இல்ல..திரும்பவும் சொந்த ஊருக்கே ட்ரான்ஸ்வர் வாங்கிக்கலாம்ன்னு அழைச்சுட்டு வரல.. ஆனா கெடைக்கல..அப்றம்தான் கூட்டிட்டு வந்தேன்..அவ்வளவு சீக்கிரம் யாரோடையும் பழகிட மாட்டா.. இன்னமும் இந்த ஊர்ல என்னையும் கொழந்தையும் தவிர யாரையும் தெரியாது.."

"......அப்டினா நீங்க செய்றது துரோகம்தான்.." 

"கிண்டல் பண்றியா?" என்று செல்லமாய் அடித்தார்...

சாப்பிட்டு முடித்ததும் இரண்டு தட்டுக்களையும் எடுத்து சென்று அடுப்பறையில் வைத்துவிட்டு திரும்பினேன்...

"அந்த பர்ஸ எடு.."

"அட.. பணமா? கெளம்பறப்ப வாங்கிக்கிறேன்...என்ன அவசரம்?"

"அதுக்கில்ல..எடு சொல்றேன்.."

மாத கடைசி என்றாலும் கொஞ்சம் கனமான பர்ஸ்தான்.. நிச்சயம் உள்ளே சில கிரெடிட்/டெபிட் கார்டுகள் இருக்கவேண்டும்...

"இந்தாங்க..."

"இங்க வா...இதுதான் சுமதி..."

கையில் வாங்கி பார்த்தேன்..புகைப்படத்தில் இருக்கும் கருஊதா புடவையில் காலையில் மஞ்சள் புடவையில் பார்த்ததைவிட கொஞ்சம் அழகாய்தான் இருந்தாள்... சிரித்துகொள்கிறேன்.. உலகின் எந்த ஒரு அயோக்கியதனமும் எனக்கு ஆச்சர்யம் தருவதில்லை..

முற்றும்..


..........................................................
இதற்கு முந்தைய குறுங்கதை...
..........................................................

75 comments:

பிரேம் குமார் .சி said...

அருமை அருமை தலைப்பே சொல்லி விடுகிறதே அவள் யாரென்று

"என் ராஜபாட்டை"- ராஜா said...

//இராமர்கள் உன்னைப்
புறக்கணிப்பதால்தானோ
உன் இடுப்பெனும்
வில் இன்னும்
உடைபடவில்லை?
//
அருமையான வரிகள் .. புதுமையான ஒப்பீடு

நிரூபன் said...

இனிய மாலை வணக்கம் நண்பா,

வித்தியாசமான கருப் பொருளை கையிலெடுத்து எழுதியிருக்கிறீங்க.

நிரூபன் said...

(18 + என்று இதற்கு சான்றிதழ் வழங்க தோன்றவில்லை..)
//

தலைப்பில் டுவிட்ஸ்..உண்மையிலே பதிவினையும் மாத்தி யோசித்து எழுதியிருக்கிறீங்க.
அது போல தலைப்பிலும் வித்தியாசத்தை கையாண்டிருக்கிறீங்க.
இது இப் பதிவினைப் படிக்க நினைக்காதோருக்கும் ஒரு தடவை படிச்சுப் பார்க்க உதவும்.

நிரூபன் said...

உன் இரவிக்கைக்கு
வாஸ்து பார்த்த
கிறுக்கு சோதிடன் யார்?
சன்னலை
பின்புறம் வைத்து..
.//

கொன்னுட்டீங்க தல.
என்னம்மா யோசித்து ஓர் இலக்கிய வர்ணனையினூடே இள நங்கையை ரசிக்க வைத்திருக்கிறீங்க.

மரு.சுந்தர பாண்டியன் said...

இரண்டு கவிதைகளும் பட்டாசு...

நிரூபன் said...

அண்ணே, கடைசி டுவிட் எனக்கு புரியல்ல.

சுமதியின் படத்தை ரேண்டு பார்த்ததும்,
ரவீந்திரனும், சுமதியும் சிரித்துக் கொள்கிறார்கள்.

அப்படீன்னா படத்தில் இருப்பது சுமதிக்கு தெரிந்தவர்களா?

நிரூபன் said...

கதை நகர்வு,
நடை....அப்புறம் எல்லோரின் பார்வையிலும் ஓர் விலைமகளினைப் பற்றிய எண்ணங்களைச் சொல்லியது,
யதார்த்தம் கலந்து தற்காலச் சூழலுக்கு அமைவாக அவளிடம் செல்லும் ஒவ்வொருவரும் எவ்வாறான நிலையில் செல்வார்கள் என்பது தொடர்பாகச் சொல்லியிருப்பது அனைத்துமே சூப்பர் தல..

நிரூபன் said...

நல்லதோர் எழுத்து நடை. தொடர்ந்தும் சிறுகதைகளை எதிர்பார்க்கிறேன்.

மயிலன் said...

நிரூபன் said...
//அண்ணே, கடைசி டுவிட் எனக்கு புரியல்ல.

சுமதியின் படத்தை ரேண்டு பார்த்ததும்,
ரவீந்திரனும், சுமதியும் சிரித்துக் கொள்கிறார்கள்.

அப்படீன்னா படத்தில் இருப்பது சுமதிக்கு தெரிந்தவர்களா//

மோதலுக்கு மோசமா போச்சு போங்க...
இரவீந்திரனின் மனைவிதான் சுமதி... சிரித்தது ரேணுகா.. ஏனென்று தெரிய கதையை மீண்டும் வாசியுங்கள்.. ஹி ஹி...

மயிலன் said...

\\என் ராஜபாட்டை"- ராஜா said...
//இராமர்கள் உன்னைப்
புறக்கணிப்பதால்தானோ
உன் இடுப்பெனும்
வில் இன்னும்
உடைபடவில்லை?
//
அருமையான வரிகள் .. புதுமையான ஒப்பீடு //

அது நா இல்லீங்கோ... ஹி ஹி...

மயிலன் said...

நிரூபன் said...
//தலைப்பில் டுவிட்ஸ்..உண்மையிலே பதிவினையும் மாத்தி யோசித்து எழுதியிருக்கிறீங்க.
அது போல தலைப்பிலும் வித்தியாசத்தை கையாண்டிருக்கிறீங்க.
இது இப் பதிவினைப் படிக்க நினைக்காதோருக்கும் ஒரு தடவை படிச்சுப் பார்க்க உதவும்//

நன்றி நண்பா.. அப்படின்னுதான் நெனைக்குறேன்...:)

நிரூபன் said...

மயிலன் said...
நிரூபன் said...
//அண்ணே, கடைசி டுவிட் எனக்கு புரியல்ல.

சுமதியின் படத்தை ரேண்டு பார்த்ததும்,
ரவீந்திரனும், சுமதியும் சிரித்துக் கொள்கிறார்கள்.

அப்படீன்னா படத்தில் இருப்பது சுமதிக்கு தெரிந்தவர்களா//
/

கமெண்டில சின்ன தவறு நிகழ்ந்து விட்டது.

சுமதியின் படத்தை பார்த்ததும்.
ரேணுவும்,
ரவீந்திரனும் சிரித்துக் கொள்கிறார்கள்.

இப்படி வரனும்
அவ்வ்வ்வ்வ்வ்வ்

நிரூபன் said...

மீண்டும் வாசிக்கிறேன்

மயிலன் said...

//நிரூபன் said...
உன் இரவிக்கைக்கு
வாஸ்து பார்த்த
கிறுக்கு சோதிடன் யார்?
சன்னலை
பின்புறம் வைத்து..

கொன்னுட்டீங்க தல.
என்னம்மா யோசித்து ஓர் இலக்கிய வர்ணனையினூடே இள நங்கையை ரசிக்க வைத்திருக்கிறீங்க //

ஹி ஹி..இன்னும் அக்காக்கள் எல்லாம் கதைய படிக்க வரல.. அப்பறம் பாருங்க... யாரு கொல்றான்னு..:)

மயிலன் said...

//மரு.சுந்தர பாண்டியன் said...
இரண்டு கவிதைகளும் பட்டாசு..//

எலேய்..கதைய பத்தி நாலு வார்த்த சொல்லுலே..:)

நிரூபன் said...

நண்பா இப்போது புரிந்தது.

காலையில் மஞ்சள் புடவையில் பேராசியர் கூட பார்த்து சிலேடையாக பேசுகையில் இருந்ததை விட அழகாக இருந்தாள்.
ஆனாலும் பேராசியருக்கு அவளை விடவும், ரேணு தேவை என்பதனை சொல்லியிருக்கிறீங்க.

நான் சின்னப் பையன் என்பதால் மொதல்ல புரியலையோ..
அவ்வ்வ்வ்வ்வ்வ்வ்வ்வ்வ்வ்வ்

மயிலன் said...

//நிரூபன் said...
கதை நகர்வு,
நடை....அப்புறம் எல்லோரின் பார்வையிலும் ஓர் விலைமகளினைப் பற்றிய எண்ணங்களைச் சொல்லியது,
யதார்த்தம் கலந்து தற்காலச் சூழலுக்கு அமைவாக அவளிடம் செல்லும் ஒவ்வொருவரும் எவ்வாறான நிலையில் செல்வார்கள் என்பது தொடர்பாகச் சொல்லியிருப்பது அனைத்துமே சூப்பர் தல.//

நன்றி நண்பா...:)

மயிலன் said...

நிரூபன் said...
நண்பா இப்போது புரிந்தது.

//காலையில் மஞ்சள் புடவையில் பேராசியர் கூட பார்த்து சிலேடையாக பேசுகையில் இருந்ததை விட அழகாக இருந்தாள்.
ஆனாலும் பேராசியருக்கு அவளை விடவும், ரேணு தேவை என்பதனை சொல்லியிருக்கிறீங்க.//

நான் சொல்லவந்தது சுமதியின் அயோக்கியத்தனத்தை...

நீங்க சொல்றதும் ஒரு அர்த்தம்தான்..

//நான் சின்னப் பையன் என்பதால் மொதல்ல புரியலையோ..
அவ்வ்வ்வ்வ்வ்வ்வ்வ்வ்வ்வ்//

ங்கொய்யால...கொண்டேபுடுவேன்..:)

மயிலன் said...

//நிரூபன் said...
நல்லதோர் எழுத்து நடை. தொடர்ந்தும் சிறுகதைகளை எதிர்பார்க்கிறேன்//

உங்களின் மேலான அன்போடு..

மிக்க நன்றி நண்பா..

அம்பலத்தார் said...

மயிலன் ஒரு டவுட்டு உண்மையிலே நீங்க டாக்டரா? உங்க எழுத்துகளைப் படிக்கும்போது கைதேர்ந்த எழுத்தாளராகவே தெரிகிறீர்கள்.

மயிலன் said...

ஐய்யயோ தலைவரே... அடிப்படைக்கே ஆப்பு வைக்குரீங்களே..:)

Guru pala mathesu said...

kavithai super nanpa

அம்பலத்தார் said...

//கையில் வாங்கி பார்த்தேன்.. புகைப்படத்தில் இருக்கும் கருஊதா புடவையில் காலையில் மஞ்சள் புடவையில் பார்த்ததைவிட கொஞ்சம் அழகாய்தான் இருந்தாள்... சிரித்துகொள்கிறேன்..//
கதையோட High light இந்தக் கடைசி வரிகள்தான். முடிவு செம திருப்பம் மயிலன். வாழ்த்துக்கள்.

மயிலன் said...

//அம்பலத்தார் said...

கதையோட High light இந்தக் கடைசி வரிகள்தான். முடிவு செம திருப்பம் மயிலன். வாழ்த்துக்கள் //

கதையை யோசித்தும்.. முதலில் இதனை எழுதி வைத்துவிட்டுத்தான் அதே நடையில் கதையை எழுத தொடங்கினேன் ஐயா.. மிக்க நன்ற் ஐயா..

மயிலன் said...

Guru pala mathesu said...
//kavithai super nanpa//

எனக்கு அடிவாங்கி தர்றதுக்குன்னே ஒரு குருப் கெளம்பி இருக்காய்ங்க...ஹி ஹி..

கோகுல் said...

கடைசி வரியைப்படித்துவிட்டு ஏதோ சுருக்கென்றது.மீண்டுமொரு முறை படித்தேன்.
இப்படி ஒரு களத்தை எடுத்துக்கொண்டு எழுத்து நகரும் விதம் அட.போட வைக்கிறது.

கோகுல் said...

அம்பலத்தாருக்கு வந்த சந்தேகம் எனக்கும் வருகிறது.

கோகுல் said...

ஆமா,நீங்க ஆணாதிக்கவாதியா?பெண்ணாதிக்கவாதியா?

வந்த வேலை முடிஞ்சது கிளம்புவோம்.

மயிலன் said...

கோகுல் said...
//கடைசி வரியைப்படித்துவிட்டு ஏதோ சுருக்கென்றது.மீண்டுமொரு முறை படித்தேன்.
இப்படி ஒரு களத்தை எடுத்துக்கொண்டு எழுத்து நகரும் விதம் அட.போட வைக்கிறது//

நானும் பல கதைகளை அப்படிதான் படித்திருக்கிறேன்..
இது உங்களுக்கு அந்த விதத்தில் அமைந்ததில் மகிழ்ச்சி...:)

மயிலன் said...

கோகுல் said...
//அம்பலத்தாருக்கு வந்த சந்தேகம் எனக்கும் வருகிறது//

இதுல இது வேறையா? எதாவது பண்ணி நிரூபிக்கிறேன்.. :))

திவ்யா @ தேன்மொழி said...

கதை “நறுக்க்”..
முடிவு “சுருக்க்”..
இரட்டைக் கவிதைகள் “பச்சக்க் பச்சக்க்”..:)

மயிலன் said...

கோகுல் said...
//ஆமா,நீங்க ஆணாதிக்கவாதியா?பெண்ணாதிக்கவாதியா?//

அடுத்த சிறுகதை திருநங்கைகளை பற்றியது... ( இத யாரும் ஞாபகம் வெச்சு எதிர்காலத்துல கேட்டுடகூடாது மாரியாத்தா..)

//வந்த வேலை முடிஞ்சது கிளம்புவோம்.//

சூப்பரப்பு..

மயிலன் said...

திவ்யா @ தேன்மொழி said...
//கதை “நறுக்க்”..
முடிவு “சுருக்க்”..
இரட்டைக் கவிதைகள் “பச்சக்க் பச்சக்க்”..:) //



நல்லவேள.. எழுதுனது ஒரு "கிறுக்க்" ன்னு சொல்ல போறீங்களோன்னு பயந்துட்டேன்..:))

நன்றி தோழி..

NAAI-NAKKS said...

NICE...MYLAN...

அபி said...

அருமையான கதை
உடலை மட்டும் அல்ல இவர்கள் விலை பேசியது அன்பு, மானம், என்று பல.
இவர்களில் பலர் விலைமாதுகள் அல்ல விற்கப்பட்ட மாதுகள் அல்லது ஆண்களால்(காதலன்,கணவன்,தந்தை,மாமா,சித்தப்பா, நம் தாத்தாக்கள், அப்பாக்கள், அண்ணன்கள் , பல நான்கள் ....) விலைவிக்கப்பட்ட மாதுகள்.

Unknown said...

romba nalla irunduchu sir.simply great.

ஹாலிவுட்ரசிகன் said...

நல்ல தலைப்பு. வித்தியாசமான கருப்பொருளில் இடையில் அருமையான கவிதைகளையும் சேர்த்து தந்த விதம் அழகு.

ஹாலிவுட்ரசிகன் said...

// கையில் வாங்கி பார்த்தேன்..புகைப்படத்தில் இருக்கும் கருஊதா புடவையில் காலையில் மஞ்சள் புடவையில் பார்த்ததைவிட கொஞ்சம் அழகாய்தான் இருந்தாள்... சிரித்துகொள்கிறேன்.. உலகின் எந்த ஒரு அயோக்கியதனமும் எனக்கு ஆச்சர்யம் தருவதில்லை.. //

இங்கு தான் கொஞ்சம் குழப்புகிறது ... இப்போ சுமதி யாருடைய மனைவி? ரவீந்திரனுடையவரா? சந்திரசேகரினுடைய மனைவியா?

கோவிந்தராஜ்,மதுரை. said...

வணக்கம் நண்பா ரெம்ப பழமையான விஷயத்தை புதிய முறையில் எழுதியது
அருமை

வாழ்த்துக்கள்

கோவிந்தராஜ்,மதுரை. said...

//(18 + என்று இதற்கு சான்றிதழ் வழங்க தோன்றவில்லை.//
இதுவும் புதுசு

rider said...

one of the best short stories ve read....ur language ...and esp the two poems are too gud...
p.s: hope u don mind me commenting in english...!!!

கோவிந்தராஜ்,மதுரை. said...

இரண்டுமுறை படித்துவிட்டேன் ஒரு விஷயம் புரியல!

மயிலன் said...

மிக்க நன்றி...
NAAI-NAKKS / unknown

மயிலன் said...

அபி said...
//அருமையான கதை
உடலை மட்டும் அல்ல இவர்கள் விலை பேசியது அன்பு, மானம், என்று பல.
இவர்களில் பலர் விலைமாதுகள் அல்ல விற்கப்பட்ட மாதுகள் அல்லது ஆண்களால்(காதலன்,கணவன்,தந்தை,மாமா,சித்தப்பா, நம் தாத்தாக்கள், அப்பாக்கள், அண்ணன்கள் , பல நான்கள் ....) விலைவிக்கப்பட்ட மாதுகள் //
அப்படி ஆண்களை மட்டும் குறை சொல்லிவிட முடியாது.. கருத்துரைக்கு நன்றி நண்பரே..

மயிலன் said...

ஹாலிவுட்ரசிகன் said...
//நல்ல தலைப்பு. வித்தியாசமான கருப்பொருளில் இடையில் அருமையான கவிதைகளையும் சேர்த்து தந்த விதம் அழகு//


தளத்திற்கு வருகை தந்தமைக்கும் இணைந்தமைக்கும் முதல் நன்றி..
வரவேற்கிறேன்..

மயிலன் said...

ஹாலிவுட்ரசிகன் said...

//இப்போ சுமதி யாருடைய மனைவி? ரவீந்திரனுடையவரா? சந்திரசேகரினுடைய மனைவியா//

இரவீந்திரனின் நம்பிக்கைக்கு பாத்திரமான அடக்கமான மனைவி..ஆனால்...

மயிலன் said...

கோவிந்தராஜ்,மதுரை. said...
//வணக்கம் நண்பா ரெம்ப பழமையான விஷயத்தை புதிய முறையில் எழுதியது
அருமை

வாழ்த்துக்கள்//

உறவுமுறைகளில் புதுமை என்று எதுவுமே இல்லை நண்பா...:))

மயிலன் said...

கோவிந்தராஜ்,மதுரை. said...
//இரண்டுமுறை படித்துவிட்டேன் ஒரு விஷயம் புரியல//

ஐயையோ...என்ன அது...?

மயிலன் said...

rider said...
//one of the best short stories ve read....ur language ...and esp the two poems are too gud...
p.s: hope u don mind me commenting in english...!!!//

thank u so much for ur compliments..keep following..

தென்காசித் தமிழ்ப் பைங்கிளி said...

எப்படியெல்லாம் யோசிக்ற மயிலா.....இரவானவள்..தலைப்பு அருமை.அதைவிட கதையின் திருப்பம் அருமை..

மதுமதி said...

கதை வாசித்தேன் சொல்ல வந்த விசயங்களை அழகாய் சொல்லியிருக்கிறீர்கள்..முந்தைய கதையைக் காட்டிலும் இதில் நடை சிறப்பாக இருக்கிறதென்று நினைக்கிறேன்.இடைச் செருகலான கவிதைகள் 'அட' போட வைத்தன..தொடர்ந்து எழுதுங்கள் வாழ்த்துகள்..

suryajeeva said...

உண்மைகள் என்றும் நெருடவே செய்யும் மயிலன்...

ஹாலிவுட்ரசிகன் said...

மயிலன் said...

//இரவீந்திரனின் நம்பிக்கைக்கு பாத்திரமான அடக்கமான மனைவி..ஆனால்... //

புரிந்தது. நன்றி.

மயிலன் said...

தென்காசித் தமிழ்ப் பைங்கிளி said...
//எப்படியெல்லாம் யோசிக்ற மயிலா.....//

என்ன சொல்ல வறீங்கன்னு புரியலையே கிளி..

//இரவானவள்..தலைப்பு அருமை.அதைவிட கதையின் திருப்பம் அருமை//

அப்படி புரியராப்ல சொல்லுங்க...ஹி ஹி..

மயிலன் said...

மதுமதி said...
//.முந்தைய கதையைக் காட்டிலும் இதில் நடை சிறப்பாக இருக்கிறதென்று நினைக்கிறேன்//

மிக்க நெகிழ்ச்சி நண்பரே...

//இடைச் செருகலான கவிதைகள் 'அட' போட வைத்தன..//

எல்லாரும் அதையே சொல்லி என்ன அடிவாங்க வைக்குறீங்க...

மயிலன் said...

suryajeeva said...
//உண்மைகள் என்றும் நெருடவே செய்யும் மயிலன்..//

சரிதான் தலைவரே...

ஜேகே said...

மயிலன், கொஞ்சம் intellectual sex worker போல இருக்கிறது! Sex workers இடம் இருக்கும் இலக்கிய, intellectualism, தேடல் ஆய்வுக்குரியது.

கற்பனை அபாரம். சில characters narrate பண்ணும்போது, அடடா இந்த மாதிரி ஆட்கள் இப்படி தெளிவாக சிந்திப்பார்களா என்று தோன்றும்.narrated கதைகளில் இருக்கும் டேஞ்சர் அது. சிந்திக்கமாட்டார்கள் என்று சொல்லவரவில்லை. அதற்குரிய authenticity தேவை என்று நினைக்கிறேன். அழகான கற்பனைகள். கொஞ்சம் லோக்கலாக இருந்திருந்தால் நம்பகத்தன்மை அதிகமாயிருக்கலாம். அதிகப்ப்ரசிங்கி தனம் என்று நினைக்கவேண்டாம். டிஸ்கஸ் பண்ண விருப்பம். அவ்வளவே.

Sex workers இடம் இருந்து இலக்கியம் உருவானால் நிச்சயம் Pulitzer/Booker தேடிவரும். அப்படி ஏதாவது தகவல் உங்களிடம் இருக்கிறதா? இருந்தால் பகிருங்கள்.

நன்றி.

suryajeeva said...

உங்கள் கதைக்கு இன்னும் ஒரு ட்விஸ்ட்....

அந்த நேரத்தில் ரவீந்திரனின் அலைபேசி ஒலித்து அந்த மௌனமான அமைதியை குலைத்தது... ரவீந்திரன் அழைத்தது யாரென்று பார்த்து விட்டு அதிர்ந்தான்... அழைப்பை ஏற்காமல் தவிர்த்தான்...

"யாருங்க?" என்றால் ரேணுகா

"அது என் மச்சான்... என் மனைவியின் அண்ணன்... பேரு சந்திரசேகர்..."

என்றான் ரவீந்திரன்

R.V. Mithun said...

hi first time i visted your page and read this story. Excellent Hats of you!

URJA to u! (U R Just Awesome!)

மயிலன் said...

ஜேகே said...
//மயிலன், கொஞ்சம் intellectual sex worker போல இருக்கிறது! Sex workers இடம் இருக்கும் இலக்கிய, intellectualism, தேடல் ஆய்வுக்குரியது..கற்பனை அபாரம். சில characters narrate பண்ணும்போது, அடடா இந்த மாதிரி ஆட்கள் இப்படி தெளிவாக சிந்திப்பார்களா என்று தோன்றும்.narrated கதைகளில் இருக்கும் டேஞ்சர் அது. சிந்திக்கமாட்டார்கள் என்று சொல்லவரவில்லை. அதற்குரிய authenticity தேவை என்று நினைக்கிறேன். அழகான கற்பனைகள். கொஞ்சம் லோக்கலாக இருந்திருந்தால் நம்பகத்தன்மை அதிகமாயிருக்கலாம். அதிகப்ப்ரசிங்கி தனம் என்று நினைக்கவேண்டாம். டிஸ்கஸ் பண்ண விருப்பம். அவ்வளவே//.

சரிதான் நண்பரே... இதன் முதல் நகல் நான் வழக்குமுறை தமிழில் தான் எழுதியிருந்தேன்... சுத்தமாய் திருப்தி கிடைக்கவில்லை.. அதில் எனக்கு சுவாரஸ்யமாக எழுத தெரியவில்லை என்று நினைக்கிறேன்.. இவள் என் இப்படி பேசக்கூடாது என்று என்னையே கேட்டுக்கொண்டேன்.. அபத்தமாய் தெரியவில்லை.. முழுவதும் மாற்றலானது... அதிக நாட்கள் draft ல் கிடந்தது..

கருத்துரைக்கு மிக்க நன்றி நண்பரே.. யாரும் சொல்லவில்லையே என்று சந்தோஷப்பட்டேன்.. சொல்லிவிட்டீர்கள்.. இன்னும் அதிகமாய் சந்தொஷபடுகிறேன்..:))

//Sex workers இடம் இருந்து இலக்கியம் உருவானால் நிச்சயம் Pulitzer/Booker தேடிவரும். அப்படி ஏதாவது தகவல் உங்களிடம் இருக்கிறதா? இருந்தால் பகிருங்கள்//

அய்யோ.. சாமி சத்தியமா இல்லீங்க...:))

நன்றி

நிரூபன் said...

//Sex workers இடம் இருந்து இலக்கியம் உருவானால் நிச்சயம் Pulitzer/Booker தேடிவரும். அப்படி ஏதாவது தகவல் உங்களிடம் இருக்கிறதா? இருந்தால் பகிருங்கள்//

அய்யோ.. சாமி சத்தியமா இல்லீங்க...:))

நன்றி//

மயிலன் சார்,
அண்ணன் ஜேகே அடி மடியிலே கை வைச்சிட்டாரு

ஜாக்கிரதை ஜாக்கிரதை!

நான் சும்மா காமெடிக்குச் சொல்லியிருக்கேன்,.
கோவிச்சுக் கொள்ள வேணாம்
அவ்வ்வ்வ்வ்வ்வ்

மயிலன் said...

suryajeeva said...
//உங்கள் கதைக்கு இன்னும் ஒரு ட்விஸ்ட்....

அந்த நேரத்தில் ரவீந்திரனின் அலைபேசி ஒலித்து அந்த மௌனமான அமைதியை குலைத்தது... ரவீந்திரன் அழைத்தது யாரென்று பார்த்து விட்டு அதிர்ந்தான்... அழைப்பை ஏற்காமல் தவிர்த்தான்...

"யாருங்க?" என்றால் ரேணுகா

"அது என் மச்சான்... என் மனைவியின் அண்ணன்... பேரு சந்திரசேகர்..."

என்றான் ரவீந்திரன்//

ஹி ஹி.. விசு படம் மாதிரி முடிஞ்சுரும் சார்..:)

மயிலன் said...

நிரூபன் said...
//மயிலன் சார்,
அண்ணன் ஜேகே அடி மடியிலே கை வைச்சிட்டாரு

ஜாக்கிரதை ஜாக்கிரதை!//

இப்படியெல்லாம் பேச சொல்லி உனக்கு யாருய்யா சொல்லித்தர்றது...:) ஹி ஹி...

மயிலன் said...

R.V. Mithun said...
//hi first time i visted your page and read this story. Excellent Hats of you!

URJA to u! (U R Just Awesome!)//

TUSM...(Thank U So Much)...:))))

ஜேகே said...

//Sex workers இடம் இருந்து இலக்கியம் உருவானால் நிச்சயம் Pulitzer/Booker தேடிவரும். அப்படி ஏதாவது தகவல் உங்களிடம் இருக்கிறதா? இருந்தால் பகிருங்கள்//

அய்யோ.. சாமி சத்தியமா இல்லீங்க...:))//

தொப்பியை ஏன்யா தேவையில்லாம நீங்களே போட்டுக்கிறீங்க? நான் உங்கட கதையை வாசிச்சிட்டு, நிசமாவே யாராவது originality யுடன் எழுதியிருந்தா இலக்கியம் உருவாகும் என்று ஒரு general knowledge க்கு கேட்டேன்.

ஷப்பா நிரூபன் அதுக்க கோர்த்து வேற விடுறீங்களா? ஆணியே வேணாம் போ!

அரசன் said...

பிறர் ரசிக்கும் படி எழுதும் வித்தை தங்களிடம் இயல்பாய் உள்ளது என்று நினைக்கிறேன் ..
எடுத்துக்கொண்ட களமும் , அதற்க்குண்டான விளக்கங்களும் வெகு அருமை ...
இயல்பான கதை .. உணரமுடிகிறது உங்களின் உள்ளத்து எண்ணங்களை ...
வாழ்த்துக்கள் நண்பரே ...

அரசன் said...

ஆமா இந்த பெயரையெல்லாம் எப்படி தேர்வு செய்கிறிர்கள் நண்பரே .. சின்ன சந்தேகம் , ஹி ஹி ஹி

பொல்லாதவன் said...

ரசித்து படிக்கிற மாதிரி எழுதியிருகிங்க ... சூப்பர் !!!

Vicknesh Janagiram said...

///உங்களுக்கெல்லாம் "தேவடியாள்" என்பது திட்டுவதற்கு ஒரு கெட்டவார்த்தை..அவ்வளவே.."கொலைகாரா", "திருடா" என்றெல்லாம் திட்டினால் யாருக்கும் கோபமும் வருவதில்லை///

நெஞ்சில் நறுக்கென்று நங்கூரம் போல் பதிந்த எழுத்துக்கள்

ஸ்ரீராம். said...

கதையின் தலைப்பு முதல் கவர்ச்சி. கடைசி ட்விஸ்ட் ரெண்டாவது. எதிர்பாராத மூன்றாவது விஷயம் அந்த ட்விஸ்ட் என்னவென்று புரியாமல் வந்திருந்த பின்னூட்டங்கள்! நண்பர் சூர்யஜீவா நல்லதொரு உலகத்தையே விரும்புகிறார் என்பது அவர் பின்னூட்டத்தில் தெரிந்தது!

வலைச்சரத்தில் நீங்கள் சொல்லியிருக்கும் விஷயம் முற்றிலும் உண்மை. டெம்ப்ளேட் கமெண்ட்ஸ்! எத்தனை பேரால் அறிமுகப் படுத்தப் படும் அத்தனை தளங்களையும் பார்க்க முடியும்? திரு முரளிதரனுக்கு முன் இருந்த ஆசிரியர் அப்பாதுரை அறிமுகங்களில் இதை நான் அங்கேயும் சொல்லியிருக்கிறேன்.

அதனால் இரண்டு பதிவுகள் மட்டுமே நாளொன்றுக்கு அறிமுகப் படுத்தப் போவதாகச் சொல்லியிருப்பது என்னைக் கவர்ந்தது.

கோவை மு.சரளா said...

சிறுகதையின் புதிய வடிவம் வாசகனின் மனநிலை உணர்ந்து கதை நகர்த்தும் போக்கு .............வியப்புக்குரியது .........மைய கருத்து சமூகம் சார்ந்த விஷயம் என்றாலும் தலைப்பும் கதை நகர்த்த நீங்கள் கையாண்ட விதமும் .......கைதட்டளுகுரியது ..............வாழ்வில் ஆழ்மன வெளிபாடு ...........அருமை

வை.கோபாலகிருஷ்ணன் said...

தலைப்பும், படைப்பும், பட்டும் படாததுமாக விரசமேதுமின்றி, சமுதாயத்தின் மிக யதார்த்தமான, உள் மற்றும் வெளி வேஷங்களைச் சொல்லிச் சென்றுள்ள பாங்கும் அருமை. பாராட்டுக்கள்.

cheena (சீனா) said...

அன்பின் மயிலன் - தலைப்பு அருமை - தமிழ்ப் பேராசிரியரின் குறுங்கவிதைகள் அருமை. ஒரு தொழிலாளி தன்னைப் பற்றியும் த்னது வாடிக்கையாளர்களின் குணநலன்கள் பற்றியும் சிந்தித்துப் பேசுவது நன்று.. நச்சென்ற முடிவு. கதை இயல்பாகச் செல்கிறது. இனியனின் குண நலன் ...... ம்ம்ம்ம்.

நல்வாழ்த்துகள் மயிலன் - நட்புடன் சீனா

சத்தியசீலன் said...

Sir ! Eppadi ippadi kalukkureenga !!!!